كرسى الاعتراف برجاء الدخول

موضوع: اسئلة عبدالمنعم ابواحمد 20/6/2010, 9:59 am

اخى الغالى عبدالمنعم شكرا لمرورك الكريم العطر وعلى اسئلتك وربنا يستر
ودلوقتى اجاوب بالارقام
1-اذا كان فعلا اعز انسان لازم احسسه انى زعلان من معاملتى ليه حتى لو كنت بحبه
2-اسئلتك صعبه يا ريس .اذا سقط من عينى وقلبى يحبه هاجى على نفسى علشان انساه
3-للخيانه انواع واى نوع من الخيانه لا اقبله وخاصة مما احبه
4-لا ابدى له اى اهتمام اذا تأكدت انها مقصوده
5-عندما يقسو على ما احب افضل ان اجلس لوحدى وافكر من اول وجديد وفى الاخر باحن برضه
6-اذا فقدت من احب لاقدر الله بامر المولى سبحانه وتعالى وفاه مثلا هافتكره طول عمرى واذا كان بسبب زعل بينا هاحاول اصلح الموضوع لو انا السبب فيه
انتهت اسئلتك وبجد الله ينور
منتظر اسئلتك يا خليجيه
وخليك فى حالك يا كابتن agherc
[i]

[[[/][ندعوك للتسجيل في المنتدى أو التعريف بنفسك لمعاينة هذه الصورة][/url][URL="/"][/ [
[ندعوك للتسجيل في المنتدى أو التعريف بنفسك لمعاينة هذا الرابط][[b]بجد تسلم ايدك وتسلم افكارك الجميله وتعيش ونتعلم منك نجم بجد،ـ

[ندعوك للتسجيل في المنتدى أو التعريف بنفسك لمعاينة هذه الصورة]

ونرجوا أن تتواصل بصريح إجاباتك

شو احساسك وانت عالكرسي؟

2- ما هو هدفك في الحياة

3- عضو مفقود

4- من هو مثلك الاعلى

5- حكمتك بالحباة ؟

6- طموووحاااتك فى الدنيا الوااااسعه؟؟؟

7- صف لى من وجهة نظرك الضمير @ الكسل

8- - كم من عشره تعطي لتطابق شخصيتك التي بالمنتدى مع شخصيتك بالواقع؟ومالفرق بينهما ان كان هناك فرق ؟

9- ما هو موقفك من الجاهل ؟

10- اذا مثلا كنت رئيس دوله ماهو اول قرار تتخذه ((لا تصدق)) انا قلت مثلا ؟

وستأتى البقيه ولكن بعد أن ترد

موضوع: رد اسئلة الزعيم 23/6/2010, 12:33 pm

الزعيم عضو متميز حقا فى منتدانا ومن اهم الاعضاء الموجودين ومواضيعه حقا مميزه ف اهلا بك يا عزيز وشرف وفخر لى ان اجاوب على اسئلتك
ودلوقتى هجاوب وربنا يستر
1-احساسى بجد مبسوط جدا لان من الاسئله دى بعرفكم بنفسى شويه وهييجي الدور عليكم وهاتعرف عليكم اصدقائى واحد تلو الاخر
2-انى ابقى ناجح سواء فى شغلى او فى حياتى الشخصيه ويهمنى جدا محبة الناس
3-مش فاهم وجهة نظرك من السؤال ؟ارجو التوضيح
4-.اى شخصيه محترمه وناجحه مثلى الاعلى
5-اذا كان الشيطان استاذا فهو للمرأه تلميذ
6-طموحاتى هى الاستقرار مع النجاح وافتح البيت الصغير انا والبنت اللى هحبها
7-الضمير اعتقد انه انسان عايش معايا احب انى اخد رأيه فى كل قراراتى _اما الكسل شئ شيطانى وكلنا نكسل فى بعض الاوقات ونستسلم له
8-يعلم الله انى جاوبت على الاسئله المطروحه عليا بكل صدق وصراحه ومن خلالها هاخد مثلا 8 من 10_ والفرق بين الشخصيتين ان فيه حجات اتمنتها فى المنتدى ولسه مصادفتنيش فى حياتى
9- اعتقد ان الجاهل هو من لا يعرف دينه جيدا فرسولنا صلى الله عليه وسلم كان امى ولكن خير من خلق على الارض كلها
10-من كتر القرارات اللى دارت فى دماغى دلوقتى مش عارف اخد ولا قرار تقدر تقول رئيس جمهوريه فاشل
انتهت اسئلتك ومستنى البقيه منك ومن جميع الاعضاء
زعيم اسعدنى تواجدك ومرورك العطر

أرجو أن تتقبل أسئلتى بصدر رحب

يلا نبتدي بسم الله :

الاسم
السن
البلد
المهنه

هههههههه هنعمل بطاقه :p

- هدفك في الحياه ؟؟
- حلم نفسك يتحقق ؟؟
- حلم لكن مستحيل انه يتحقق ؟؟

- بتقول الفنانه القديره بسكال مشعلاني ( اكبر غلطه في حياتي )
ايه هيه اكبر غلطه في حياة مستر عجيب ؟؟؟

- بتقول نورا رحال لا تختبر صبري , مستر عجيب تقولها لمين ؟؟؟

- بتقول سماح البرهومي مستكتر ليه , مستر عجيب تقولها لمين ؟؟؟

- موقف محرج حصلك في حياتك و في الموقع ؟؟؟

- احسن سنه كانت بالنسبه لك ايه و ليه ؟؟؟

- ايه الاهم الكرامه ولا الحب وليه ؟؟

- الخيانه بانسبه ليك عباره عن ايه ؟؟

يلا كفايه كده دلوقتي ولي عوده انشاء الله :

موضوع: رد اسئلة خليجيه 25/6/2010, 12:48 pm

العضوه المتميزه دائما خليجيه قبل اى كلام احب انى اقولك كل سنه وانتى طيبه بمناسبة عيد ميلادك ويارب بليون سنه كمان ويارب تحققى كل اهدافك فى السنين الجايه ان شاء الله
وبالنسبه للاسئله فانا متشوق لاسئلتك وربنا يستر
نبتدى بالاجابه بالارقام
اسمى محمد
سنى تقريبا 23 سنه
من محافظة الشرقيه جمهورية مصر العربيه
مهنتى عالم التصوير والجرافيك
1- هدفى فى الحياه طبعا انى اكون ناجح فى شغلى وفى حياتى وطبعا انى اكون محبوب بين الناس
2-نفسى اقابل الانسانه اللى بحلم بيها ونعيش مع بعض فى الحياه اللى راسمها فى ذهنى
3-الحلم اللى ممكن يكون مستحيل انى اقابلك وجه لوجه ونبقى اصدقاء
4-اكبر غلطه انى حبيت حد بجد وطلع مش يستاهل حبى ليه
5-لا تختبر صبرى ممكن اقولها لـ خليجيه وانا بجاوب على اسئلتها
6-مستكتر لية ممكن لحد صاحبى قوى مش موجود معانا
7-اكبر موقف محرج انى رحت كلمت بنت بعد نظرات كتير وقالتلى سورى كنت فى البحر مع صحابى
8-اكتر سنه بحبها سنة 1988 السبب عيد ميلادى
9- الكرامه عندى اهم من اى شئ حتى ولو كان الحب
10-للخيانه انواع وكلما احببت الشخص حزنت على خيانته بقدر حبى له
شكرا ليكى يا قمر وبجد استمتعت وانا بجاوبك ومنتظر المزيد

1) س كما تعودنا ان ناخذ راي الجميع بكرسي الاعتراف فمارايك اخي بكرسي الاعتراف
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
4)س شو أصعب المواقف اللي مريت بها ؟
5) س شو موقفك من الحب ؟؟ وهل جربته ؟؟ هل تأمن بوجوده ؟؟
6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
7) س هل ندمت فحياتك على شي معيّــن ؟؟؟
س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..

ما هو تعرفك للمجنون؟؟

العاقل؟؟

المتكبر؟؟

المتواضع؟؟

س2

هل انت راض عن نفسك ..؟؟
وما هي المجالات التي تتمنى ان تأخذها منهاجا في حياتك ؟؟

والبقية تأتي ..

إنت فين يا mr.ageb

موضوع: رد اسئلة قطه شقيه 4/7/2010, 1:05 pm

انا هنا يا ريهام ومستنى اسئلتك بعد ما اجاوب قطه شقيه
ودلوقتى اجاوب على قطه شقيه العضوه التى افتقدناها فى الايام السابقه بسبب الامتحانات
دلوقتى اجاوب وربنا يستر
1- كرسى الاعتراف فكره جميله للتعارف بين الاعضاء والاستفاده من كل عضو فى مجاله الذى يكشف لباقى الاعضاء من الاسئله
2-على فكره انا صاحب فكرة كرسى الاعتراف فى المنتدى بس مكنتش متوقع انى انا هاكون اول واحد _وشعورى جميل حاسس انى قاعد بدردش مع صحابى اللى عمرى ما شفتهم
3-سؤال اتكرر كتير بس اى شاب بيحلم انه يقابل شريكة حياته اللى تناسبه وطبعا البيت الصغير اللى بحلم بيه
4-اصعب المواقف ممكن لحظة الفراق او انك تكون بتحب حد وهو يطلع بيحبك بكلامه مش بتصرفاته
5- مفيش موقف من الحب الحب شئ ضرورى وحلم اى انسان _جربت الحب بس مكانش حقيقى_بالرغم انى اتغشيت كتير بس اامن بوجود الحب 200%
6 - سؤال محير بس بحاول احكم عقلى علشان مخسرش كل حاجه وتبقى خساره قريبة احسن من مكسب بعيد_الاسبق العقل
7-ندمت على اى حد كان صاحبى وطلع مش صاحبى
8- الحب اعتقد شئ جميل بين قلبين ينبضون فى وقت واحد وكل منهما يفكر فى الاخر تفكير طويل جدا فى كل تصرفاته _اما الصداقه فشئ جميل بين الناس فمثلا من يحتاج شئ من الاخر او مساعده او مشاركه واشياء كثيره جدا للصداقه
رأيى فى الكلمات
الخيانه _ للخيانه انواع وكلما احببت الشخص جرحتنى خيانته
المرأه _شى جميل فى حياتنا ولها دور كبير فى رقى المجتمع
الصداقه_اسمى شئ فى الوجود
النميمه _شئ من عمل الشيطان ولا احبه اطلاقا
النفاق _ قادر على تدمير مجتمع بأكمله

المجنون - هو من لا يدرك كل شئ فى هذا الزمان
المتكبر _ من يعتبر نفسه افضل من الجميع
المتواضع- من يعيش بين الناس بطبيعته
س 1 -الحمد لله انا راضى عن نفسى بشكل كبير جدا وان شاء الله احقق كل احلامى اللى لسه محققتهاش
قطه شقيه اسعدنى تواجدك ومستنى المزيد من اسئلتك المتميزه جدا جدا جدا
ريهام انا معاكى

I am ready to answer
[center][ندعوك للتسجيل في المنتدى أو التعريف بنفسك لمعاينة هذه الصورة]

نــبدأ

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

اهلا بيكى يا زغدانه فى كرسى الاعتراف سواء اذا كنتى بتسألى او هتتسألى وانا مبسوط جدا على مرورك فى الموضوع
ودلوقتى هجاوب وربا يستر
1-بحاول انى احقق احلامى فيه اللى حققته وفيه اللى ان شاء الله هحققه وفيه الى مستحيل يتحقق وهى دى سنة الحياه
2-ابكى علينا كوطن عربى
3-اى حد قريب منى جامد وبثق فيه
4-لا يوجدخيار بين الاثنين ولكن اذ وضعتنى الظروف فى هذا الموقف اعتقد ان الصاحب اعز عندى من اى حد
5-تقييمى للمنتدى انو اتبنى واحده واحدة وكل يوم عدد المشتركين بيزيد واعتقد انه فى نجاح بخلاف ذلك ان كل اقسام المنتدى محترمه جدا ومفيش حاجه محرجه ذى الحجات الللى بنشوفها في المنتديات التانيه وكل اعضاءه محترمين جدا فمن وجهة نظرى منتدي ناجح
6-مش فاهم السؤال بس لو بالنسبه للحب فانا هفكر كتير قبل ما احب وربنا يستر من الحكايه دى
7-بالنسبه للحظ بيبقى توفيق من عند ربنا فمثلا محطش نفسى فى وضع مش تمام فى شئ ما وبعدين اقول دا انا حظى وحش
8-اكيد اى حد الحزن بيبقى تقيل عليه واعتقد ان الحزن ممكن يهزم اى حد بس فيه اللى بيستوعب ويفوق بسرعه
9-مستحيل انساك لواحد صاحبى غايب عنى
10-لحد حبيتو ومقدرش حبي ليه
11-كان ممكن اقول الكلمه دي من سنه فاتت ودلوقتى مفش
12-مش فاكر انا بكيت امتى
13-الامارات عربي وفرنسا اوربى
انا جاوبت على جزء من الاسئله وبجد انتى اسئلتك متميزه جدا جدا وعصرتينى وفعلا انتى مقعدانى علي كرسى الاعتراف هستأذن دلوقتى وهكمل بعدين

السلام عليكم ورحمة الله ممكن أسألك شوية أسئله ع الماشى يا مستر بس بعد ما تكمل الجابه على الاسئله المطروحة عليك

مع تحياتى جمال سعيد

مرحبا بك جمال سعيد ومنتظر السئلتك فى اى وقت ولى الشرف على الاجابه
ودلوقتى اكمل اسئلة زغدانه
14-عمرى تقريبا 23 سنه ومش مستاهله جرائه انى اقول عمرى
15-الحمد لله انا راضى عن نفسى لدرجه كبيره ويارب اقدر احقق كل احلامى
16-طبعا الزواج العاطفى بسبب التفاهم واصلا الحب شئ مهم جدا فى حياتنا
17-الشهاده مهمه ولكن الزواج من ما احب اهم وأهم
18-فعلا يوجد صداقات كتير بين الجنسين وانا عن نفسى ليا اصدقاء كتير بنات وبثق فيهم جدا
19-لا انا اتخذ قراراتى بسرعه جدا
20-مروان صاحبى وهو مسافر دلوقتى
21-اول قرار الغاء القمه العربيه واخذ قرارات اكثر سرعه وتنفيذ
22-لن اكره احد بمعنى الكلمه ولكن انا اؤمن بعتاب الندل اجتنابه
23-من مميزات هذا المنتدى الاداره المطيعه فمثلا موضوع كرسى الاعتراف طلبت تثبيته وتم التثبيت وبعدين طلب انه يبقى قسم لوحده واتعمل فى نفس اليوم
24-طبعا الملابس من ضمن شخصية الانسان وانا باعرف احكم على الانسان من لبسه
25-طريقته فى التعامل مع الناس واسلوبه فى توصيل المعلومه
26-احاول ان اتخطى الظروف لو متاح واصل لحبى
27-علمت ان رزقى لن يأخذه غيرى فاطمئن قلبى
28- بامن للناس بسرعه جدا
29-فيه اسماء كتير كويسه بس يوسف ولقاء احب اسماء ليا
30-سؤال صعب بس هابقى اوفر لو قلت هاعمل دار ايتام او حاجه ذى كدا ممكن اكون مستقبلى افضل
31-لا انا غير ذلك تماما والحمد لله
32- اعتذار لزغدانه لو فيه اجابه دايقتها منى
وفعلا انا كنت قاعد على كرسى الاعتراف ودلوقتى ابدأ اشم نفسى
جمال سعيد منتظر اسئلتك

شكرا لتواصلكم معى ومنتظر المذيد

إنت اللى إقترحت الموضوع يا نجم والله قلبى معاك خلى بالك انا حاسس ان كفايه عليك كده ونشوف عضو تانى ولا ايه رأيك وعايزينك إنت اللى ترشح العضو التانى

موضوع: رد على لزعيم 1/8/2010, 2:57 am

شكرا ليك يا زعيم بس والله على قد ما اتعصرت فى الاسئله الا انى استمتعت جدا وانا بدردش معاكم
وكل سنه وانتم طيبين
واعتقد لو ليا رأى فى المتسابق الجديد يبقى عبدالمنعم ابو احمد
والقرار النهائى طبعا لمدير المنتدى

ويا ريت يبقى فيه اعلان عن المتسابق الجديد فى الشريط المار اعلى الصفحه
وشكرا جدا على التقدير

بسم الله الرحمن الرحيم

اولا

السلام عليكم ورحمة الله وبركاته

ثانيا

احب ان ارسل رسالة الي الاستاذ علاء اسماعيل مدير منتدانا الغالي

لانه غير موجود معنا منذ اكثر من اسبوع

واقول اليه احب ان اطمئن عليك يابو مريم ياغالي

واسال الله ان تكون بصحه جيده

وثالثا

اشكرك يامستر عجيب علي تفكيرك في اخوك عبد المنعم لجلوسه علي كرسي الاعراف

وهذا يسعدني كثيرا ان اجلس امامكم

ويشرفني ان تكون انت اول من يلقي الاسئله

بس بجد انا خايف جدا من اسئلتك

لانك فعلا اتعصرت ياكبير

[ندعوك للتسجيل في المنتدى أو التعريف بنفسك لمعاينة هذا الرابط]

][ندعوك للتسجيل في المنتدى أو التعريف بنفسك لمعاينة هذه الصورة]

ولو سمحتوا محدش يمد ايده علي الفانوس

لانه بتاع احمد ابني

سلام عليكم ورحمة الله وبركاته

هذه مجموعه من الأسئلة ارجوا ممن لديه القدرة على الإجابه ان يجاوب

السؤال الأول

صديقك المقرب آثر الابتعاد عنك وقطع علاقته بك وانت لا تعرف السبب ولا تجد سبب لما فعل فماذا تفعل ؟

السؤال الثانى

ابوك اتهمك بسرقته وانت بريئ فماذا تفعل ؟

السؤال الثالث

برائتك ظهرت للجميع فكيف ستتصرف مع ابوك ؟

السؤال الرابع

زوجتك تريد انجاب الطفل الرابع وانتم متفقين على ثلاثة فقط حتى تستطيعوا ان تصرفوا عليهم فكيف تتصرف معها لعدم انجاب الطفل الرابع ؟

السؤال الخامس

انت واصدقائك المقربين فى سفينه فى البحر ولكن السفينه لا تستطيع حملكم جميعاً ولابد ان يضحى واحداً منك بنفسه حتى ينقذ الباقين فكيف تتصرف ؟

السؤال السادس

اخوك فى طريق الضلال ويحتاج اليك لتساعده فى محنته ولكنه يرفض منك اى مساعده مع العلم انه الأكبر ماذا تفعل ؟

السؤال السابع

انت طالب فى المدرسه اتهمك المدير بارسال جواب غرامى لأحد زميلاتك ولكنك لم تفعل فكيف تتصرف لتثبت برائتك ؟

السؤال الثامن

انت وزوجتك واولادك فى الصحراء ولا وسيله مواصلات معكم واكلمك شربكم قليل والموت منكم يقترب رويداً رويدا . فكيف تتصرف ؟

السؤال التاسع

انت ضابط فى القوات المسلحه رتبتك متوسطه معروف عنك الصلاح والتقوى والخبره اتهمت بالخيانه العظمى وقدمت للمحكمه . ماذا تفعل لتثبت برائتك ؟

السؤال العاشر

كيف تجد الأسئلة ؟

بسم الله الرحمن الرحيم

عليكم السلا ورحمة الله وبركاته

صديقي العزيز agherc

كل عام وانت بخير ورمضان كريم

اسعدني مرورك ويشرفتني ان اجيب علي اسائلتك المطروحه

واتمني من الله التوفيق في الاجابه لانها صعبه جدا

والان اجاوب علي اسالتك اخي الكريم

1-بالتاكيد هروح لحد عنده واشوف جايز حصل مني شئ ذعله ولو مافيش اسباب زي ما حضرتك بتقول وعزيز عليا فعلا مش هسيبه الا اذا فهمت منه الاسباب

2-اقنعه اني مستحيل اعمل كده لانه ما حرمنيش من اي شئ واحاول اثبات برئتي بقدر المستطاع اكيد هنفعل في موقف دي ده

3-اروح لحد عنده وابوس ايده واقعد معاه واقوله ان تربيتك مش ممكن تعمل كده ابدا

4-اولا كله بامر الله سبحانه وتعالي ثانيا النساء ما بيحبوش كترت العيال ثالثا وهو اساس السؤال اقنعها وافكرها باللي اتفقنا عليه

5-هو فعلا سؤال صعب جدا بس اكيد كلنا هنفكر الف مره قبل اي قرار واللي ربنا رايده هو اللي هيكون

6-مستحيل اسيبه طبعا وهحاول معاه بجميع الوسائل لحد ما يقتنع انه بيعمل الغلط

7-هناك شئ يسمي المواجهه

8-اكيد هدعوا الله يخرجنا من المحنه دي علي خير ومش هاكل ولا اشرب علشان اولادي

9-كيد هجيب اسباب وجيهة جداا علشان اقدر اثبت انى برىء.وهحاول استعين باصحابى الى يعرفوا عني الصلاح والتقوى فى انهم يقفوا جمبى ويساعدونى بكل الطرق

10-هي فعلا صعبه جدا وبقولك تسلم ايدك وعلي الله الجواب يكون مقنع

تحياتي

(اخوكم)

ابو احمد

شكرا ليكم ياجماعه على الاسئله وعلى الاجابه فعلا كلاهما متميزان
عبد المنعم ابو احمد اهلا بيك على كرسى الاعتراف وانا بحضر فى شوية اسئله وهكتبهالك قريب جدا
شد حيلك ولسه التقيل جاى

اخي الكريم mr.ageb كل اللي يجي منك زي الفل وانا في انتظار اسئلتك واسئلة جميع الاعضاء الكرام

وبقول لاخي العزيزagherc اشكرك كل الشكر علي اسئلتك الجميله الجامده بس بالراحه علينا يامعلم واعتقد مافيش اتقل من كده ياعجيب ولا رأيك ايه؟

[ندعوك للتسجيل في المنتدى أو التعريف بنفسك لمعاينة هذه الصورة][/

وبقول لاخي العزيزعبدالمنعم ابواحمد اشكرك على الرد الجميل بس يامعلم انتظر المزيد واعتقد مافيش اسهل ا من كده
[ندعوك للتسجيل في المنتدى أو التعريف بنفسك لمعاينة هذه الصورة]

ما هيا اولوياتك فى الحياة