‘‘‘‘‘‘‘‘‘يـــــــــــامـــــــــــصر‘‘‘‘‘‘‘‘

[ندعوك للتسجيل في المنتدى أو التعريف بنفسك لمعاينة هذه الصورة]


يامصر هانت وبانت كلها كام يوم

نهارنا نادي ونهار الندل مش باين

الدوله مافضلش منها الا حبة شوم

لو مش مصدق تعالي عالميدان عايم

ياناس مافيش حاكم الا من خيال محكوم

واللي هيقعد في بيتو بعدها خاين

اللي هيقعد كأنه سلم التانيين

وقاله هما ساكنين فين

وصلت لضرب الرصاص عالخلق في الميادين

حتي الجثث حجزوها اكمنهم خايفين

يامصر اصبحانا احيا وميتين مساجين

فاللي هيقعد في بيتو يبقي مش مفهوم

واللي هينزل الهي حارصه صاين

يامصر هانت وبانت كلها كام يوم

نهارنا نادي ونهار الندل مش باين

نهارنا نادي وبادينا علي فكره

الصبح عنده فضول راح نعمل ايه بكره

ايده علي الباب!!وخايف يفتح الاوكره!!!

ادخل ياستاذ براحتك...والبلد حره

احنا زهقنا نشوف الصبح من بره

ادخل وخرج بقايا العتمه بالمره

الناس دي حره ...وجنود الامن متطره

ياصبح طلعت روحنا لاجل تيجي ياخي

طالعين نجيها اهوه...في كل حاره وحي

حتي ولو ضربونا بالرصاص الحي

شوف المداين كده مفروشه خلق وضي

دايما مفاجئه....ودايما وقتها معلوم

الحكم لينا وليكي الحق يامداين

يامصر هانت وبانت كلها كام يوم

نهارنا نادي ونهار الندل مش اين

ياصف عسكر بدال الدرع شيلو اتنين

25 يناير ياشباب فاكرين؟؟؟

كان فيه انجليز ووزير الداخليه تخين

كان عنده بردو عساكر زيكم جامدين

ساهم يموتو علاولا لم سأل فيهم

كانوا شباهكم ...اساميكم اساميهم

ياعسكري البهاوات اللي بتحميهم

ممكن يردوا عليك لما تناديهم؟؟؟

ياعسكري انا اصلي بس بستغرب!!!

لو لاقي تاكل وتشرب ..قوم ياعم اضرب

اضرب عشان الوزير من ضربتك يطرب

لكن هتشتغل ايه لما الوزير يهرب؟؟؟

اما الشديد القوي القادر ابو القادر

برميل تلامه نشع علي مصر مالآخر

لو شافته معدده تكت أدب ساخر

ثات يقول للهرم ياكابتن اتاخر

ولم يذل معتقد إن الهرم هيقوم

آدي الحجر والبشر قايمين ياسيد القوم

والدين هيترد ياللي عشت متداين

يامصر هانت وبانت كلها كام يوم

نهارنا نادي ونهار الندل مش باين

دا حكم اسره ولا خوفو ولا خفرع

ولا وجع بطن يتعالج بزيت خروع

عمل مسوجر بعيد عنك

جربنا فيه كل شئ مالقينا شئ ينفع

ماطلعش بالادويه جربنا الف طبيب

ولا بعطارة شيوخ ليهم بلح وزبيب

ولا حفا المغولي وضربه بالقباقيب

عمل مسوجر وشغل سفلي تل ابيب

وشغل امريكا متغلف وختمه عليه

ضيف زارنا ياعم من غير دعوه لابس بيه

قعد 30 سنه مابيقولشي قاعد ليه

والنيه يديها لابنه النابغه بعديه

ويقول قضا وقدر بين البشر محتوم

قلنالو طيب ...ومين قال القدر معلوم

واش عرفك يافخامتك بالذي كاين

يامصر هانت وبانت كلها كام يوم

نهارنا نادي ونهار الندل مش باين