القصبى شرق
عزيزى الزائرتسجيلك بالمنتدى يشرفنا كثيراً نتمنى منك التسجيل
حتى تستطيع المشاركة فى المنتدى لتكن معنا ( تفيد وتستفيد )
مع تحيات *******
إدارة منتديات * شباب القصبى شرق
وشكراً لك

القصبى شرق

منتديات شباب القصبى شرق هنا تجد كل ما تبحث عنه
 
الرئيسيةالرئيسية  القصبى شرقالقصبى شرق  التسجيلالتسجيل  دخولدخول  
نرجو منكم الدعم للرقي والتقدم بموقعنا شباب القصبي شرق
star_love2525@yahoo.com للتواصل مع اداره المنتدي

شاطر | 
 

 الشاعر المصرى أحمد فؤاد نجم "كأنك مفيش "

اذهب الى الأسفل 
كاتب الموضوعرسالة
عبد المنعم ابو احمد

عبد المنعم ابو احمد

ذكر
العذراء
النمر
عدد المساهمات : 363
نقاط : 739
تاريخ الميلاد : 15/09/1986
تاريخ التسجيل : 02/11/2009
العمر : 32
الموقع : nadra.mylove@yahoo.com
المزاج : الحمد لله تمااااااااااااام

مُساهمةموضوع: الشاعر المصرى أحمد فؤاد نجم "كأنك مفيش "   25/1/2011, 10:54 pm

[ندعوك للتسجيل في المنتدى أو التعريف بنفسك لمعاينة هذا الرابط]


من إصدارات الشاعر المصرى أحمد فؤاد نجم شاعر العامية المصرية القصيدة بإسم "كأنك مفيش "

والقصيدة موجهة للرئيس مبارك



برغم إن صورك فـ كل الدواير


وكل المداخل وكل المحاور


ومليا الشوارع على كل حيط ..


مطنش علينا وعامل عبيط ..


كأنك مفيش ..


***


يا فرحة قلوبنا رئيسنا ظريف ..


فُكهي ..


إبن نكته ودمه خفيف


فـ عهدك سيادتك فَرَشنا الرصيف


وآخر مُنانا الغُموس والرغيف


وكل أمَّا تُخنُق ندوَّر ..


مفيش !!


***


مسيِّب علينا عصابة حبايبك


فضايح وسرقة ونهب بسبايبك


مابين حزب نجلك .. وهانم جلالتك


وجيش الغوازي إللَّي داير يجاملك


وناملك وقاملك .. وحارسك وأمنك


شبعنا مهانه .. شبعنا لطيش ..!


وأنت .. مفيش !!


***


باعونا فـ حضورك ..


ببركة عِبـيدك وغالي وسرورك


باعوا الأراضي .. وكل المصانع


وباعوا البنوك ..


وقدَّام عِنيك .. صوتنا إتـنبح ..


ننادي عليك ..


إلحق يا ريس : ده باعوا الحديد !!


وأنت منشِّف دماغك عنيد !!


.. كأنك مفيش !!


***


دوشتوا دماغنا ” بجمال ” طلعتك


ومن يومها وإحنا عَبـيد حضرتك


ما تزعلش إني مواطن أبيح


ورافض كلابك فـ شعبك تطيح


فسادهم يا ريِّس واضح .. صريح


قوم بينا صلّح وفتَّش .. وثور


ح نكتب تاريخك ياريِّس بنور


مش تبقى عايش كأنـَّك مفيش !!


***


ورحمة أبوك .. مادام أنت قاعد


عيب لمَّا عُصبة نَـوََر يسحبُوك


م تُقبض عليهم .. م تقطع إيديهم ..


م تعمل عليهم يا ريِّس شاويش


بدل م انت ساكت وقاعد مفيش


***


ياريس علىّ الطلاق تعبانين !!


ياريس علىّ الحرام كفرانين !!


صبرنا سنين ..


سيادتك مسلطن


وشعبك وناسك بتاكل مسرطن


وتشرب مجاري وميت سم هاري ..


ومش دريانين !!


ما تنهض يا ريس تلم الديابه ؟!!


ده شعبك غلابه ..


ومليان طيابه ..


وهوَّ الشفاعة ف يوم الحساب


وهما البطانة الحُثاله الكلاب


ما يملاش عنيهم غير التراب


وليهم ضوافر


وميت ألف ناب


وواقفين لشعبك ورا كل باب


لإمتى ح تسكت وليه الغياب ؟


ده ياما ممالك طواها التراب


حياتنا ياريس تعب فوق عذاب


يا ريس ” شريفك ” ماهوَّاش شريف !!


” نظيفك ” يا ريس ماهوَّاش نظيف !!


وحتى ” حبيبك ” ماهواش حبـيب !!


وأنا غصب عني .. خلاص إستويت ..


بـ غـُلبي إنحنيت ..


وطلعان عنيا .. وصعبان عليا


بحسبة بسيطة ومن غير خريطه ..


وكونك مفيش .. لقيت متساويش


ومش فارقه أعيش ..


نويت أشتكيك للِّي فوقي وفوقك


وأصلي الفرايض ..عسى يفـُك طُوقـك


قالولي إللي يسجد عدو النظام !!


حاولت أحكي حالي ..!!


قالولي الحكاوي نميمة وحرام !!


فكرت أكتب ..


لقيتكم سيادتك منعتوا الكلام !!


فقررت أحلم ..


هاحلم سيادتك وأفُك اللِّجام


ولو مش هيعجب سيادتك يا فندم


وصِّي العساكر .. تاخُدني أمَّا انام !!


***


حلمت إني شعب ..!


حلمت إني شعب ومصلوب بطولي


على أرض سمرا


ودمي بينـزف ومليان جروح


وفوق صدري جمرة


يميني مربّط على أرض طابا


شمالي ممسمر فـ “أولاد علي”


ورجلي على جزع نخلة فـ “حلايب”


ومرتاح براسي على حِجْر مصر


وشوفتك ياريس ..كأنك ولي ..


كأنك نبي ..


فـ إيدك عصاية وليك معجزات


وشايل صليبي وبتفـُكني ..


وانا فـ جنَّه خضره .. وتحتي جداول ..


ومن فوقي نور .. وريحة بخور ..


همست ف ودانك بآخر وصيّة :


إنسى إللي فاتك ..


هننسى الأسية .. !!


أمانه عليك ..


حُط الوطن جُوَّه نِنِّي عينيك


كرامة عيالنا أمانة ف إيديك


بحق إللي بينّا يا ريِّس وبـينك


وحَق اليَمِين و” ألكتاب ” فى يمينك


بحق الشهيد .. إللي رافع جبينك


وجيش إنتصارك فى يوم العبور


وجيل حُر طالع .. وعدته بدور


لملم عيالك .. وجمَّع فـ مالك




وإسحب ” جمالك ” وسيبنا وغور .

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://[url=http://www.alhnuf.com/][img]http://www.alhnuf.com/up
mr.ageb

mr.ageb

ذكر
الجدي
القط
عدد المساهمات : 426
نقاط : 653
تاريخ الميلاد : 01/01/1988
تاريخ التسجيل : 12/03/2010
العمر : 31
المزاج : بحب كل الناس

مُساهمةموضوع: رد: الشاعر المصرى أحمد فؤاد نجم "كأنك مفيش "   26/1/2011, 1:27 am

يسلم قلمك يا فؤاد يا نجم
المشكله ان الناس فاكره ان الحل فى الانتحار كل واحد مخنوق شويه يولع فى نفسه والمشكله ان الحكومه بتطلعو مجنون وعبيط

_________________
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
 
الشاعر المصرى أحمد فؤاد نجم "كأنك مفيش "
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القصبى شرق  :: منتدى الأدب والشعر :: منقولات أدبية-
انتقل الى: